الرئيسيةالبوابةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 joke 4 u

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Administrator
Admin


ذكر
عدد الرسائل : 140
العمر : 31
Localisation : Alexandria
تاريخ التسجيل : 09/03/2007

مُساهمةموضوع: joke 4 u   الثلاثاء أبريل 03, 2007 5:13 pm

نوكته فور يو

مرة واحد صعيدي بيقول للثاني نشرة الاخبار طولت ليه كده قالو تلاقيها اخر حلقة

شحات بيكلم بنت تخينه قوى ، وبيقول لها : أرجوكى انا بقالى يومين ماكلتش لقمة عيش واحدة ...ردت البنت: أنا بحسدك على إرادتك ، مين الدكتور اللى بتعمل عنده الرجيم الهائل ده ؟

مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!


لية الديك عندة زكام ؟علشان متجوز فرخة مجمدة

بتقول الزوجة لزوجها : مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟ قالت له : لأ ماما هتعيش معانا

واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش


معلم لغة عربية قال : وقفت السيارة فى المكان الممنوع ...ثم سأل أحد التلاميذ أن يعرب كلمة السيارة فقال التلميذ: فاعل مرفوع بالونش

مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين

مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط ها يدفع كام في كل قسط؟ رد الولد مش هايدفع ولا مليم ... فقال المدرس : اقعد يابني ده انت مش فاهم الدرس كويس... فرد الولد : ده انت إللي مش فاهم بابا كويس يا أستاذ

واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع

واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين

كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى واحد عدا البحر لكن وقع من فوق الجبل.... أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا

مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!!

ولد مغلّب مدرس الجغرافيا معاه ليه؟؟؟؟؟؟؟ عاوز يعرف خط الاستواء ده كليك ولا موبينيل

الابن:بتعمل اية يا بابا؟؟ الاب:بكتب جواب لعمك...... الابن:هو انت بتعرف تكتب؟؟!!! الاب:يعني هو عمك اللي بيعرف يقرا

واحد سكران دافن نفسه تحت الارض ليه ؟؟ بيصور كليب انا عايش و مش عايش

واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب العيال مشى ولا لسة

محشش اتصل بخطوط الطيران يحجز تذكرة ، قاله الموظف: ذهاب واياب ؟؟؟؟ قال له : لا خروج المغلوب

واحد راح يشتري بيتزا فالراجل بتاع البيتزا بيقوله : اقطعه اك أربع قطع ولا تمانية يابيه ؟؟؟؟ ..قام قال له ثمانية .. عشان جعان قوى

مره حرامى سرق فرخه وراح يكله على شط النيل فشافه عسكرى وقل له مسكتك ياحرامى الفراخ ، والريش جنبك اهو ... فقال له الحرامى لا ياشويش دى نزلت تستحمى وقالت لى خلى باللك من هدومى

واحد ركب اوتوبيس قعد جنب واحد ، شويه وجه الكمسري يقول للراجل اللي جانبه تذاكر قاله ابونيه ... فماخدش منه فلوس.... فصاحبنا عجبته الفكرة قوى ... ركب مرة تانية مع مراته و ابنه... فالكمسري قاله تذاكر قاله انا ابونيه و دي ام نيه و ده نيه بذات نفسه

واحد عصبى إتجوز واحده عصبيه الدكتور بيولد مراته..نزل الواديقول للدكتور إبعد إنت أنا هانزل لوحدى

مره واحد بيقول لمراته انا بحب فيتراك اوى قالت له وانا بحب سمير اوى قالها ياوليه فيتراك ده مربى قالت وسمير ده عسل

واحدة بتتكلم مع صاحبتها بتقولها .... أنا جوزي نساي جدا كل يوم يقولي أنا نسيت مفتاح المكتب ، أنا نسيت مفتاح الشقة......... ردت صاحبتها وقالت لها : طب أنتى أرحم منّي أنا جوزي كل يوم يقول لي أنا شفتك فين قبل كده

واحد بخيل راح يزور مامته فى المستشفى لقى على الباب كلمة ادفع ...... قال ازورها بقى لما تروّح البيت

واحد دماغه مليانه حشرات راح للدكتور قاله يادكتور عاوز اطّلع الحشرات اللى فى راسى... قاله افتح المروحه على الاخر واقعد ادمها هيطير منك الحشرات ، عمل كده وبعدين نام وصحى سمع صوت الحشرات بيقول امبارح كان فيه عاصفه لكن محدش مننا مات ... راح تانى للدكتور قاله منفعش الحل ده ، الدكتور قاله خلاص اركب عربيه واطلع على اخر سرعه وطلع دماغك من الشباك ...عمل كده وهو مروح من عند الدكتور وروح نام وصحى سمعهم بيقولوا امبارح حصل عاصفه شديده قوى ومافيش حد مات .... قام رايح للدكتور تانى وقاله الحل منفعش انا عاوز اخلص بقى .... قاله مفيش الاّ حل واحد ، تعد جمب واحد وتحط راسك فى راسه... و الحشرات هتروح منك .... ام راح عمل كده ونام وصحى الصبح سمعهم بيقولوا امبارح كان فى حرب جامدة مع قبيله تانية لكن محدش مننا مات ، واسرنا 500 من القبيلة التانية


واحد دخل جنينة الحيوانات ودخّل راسه في قفص الاسد، الحارس جري عليه وقاله انت بتعمل ايه يا مجنون ؟؟؟؟ قاله : ايه يابا .. يعني هناكله

مرة اتنين راحوا يزورو متحف للفراعنة... فشافوا جثة متحنطة .....فالأول بيقول للتانى شايف يله قالو ايوا شايف...فبصوا قوي كده شافوا يافطة مكتوب عليها 156ق.م...... راح الاول قال للتانى :وده يطلع ايييه؟...قالوه التانى:والله منا عارف تلاقيها نمرة العربية الى داسته!!
واحدة حامل ولدت بنت الساعة خامسة الفجر .. جه جوزها وجاب البندقية و ... طخ البنت ........ وقال لأمها ماعندناش بنات تيجي في انصاص الليالى ....!!!


سال المدرس التلميذ : فى عام 1769 ولد شخص هام فى تاريخ فرنسا فمن هو ؟ اجاب التلميذ : نابليون يا استاذ ... ثم سال المدرس : وفى عام 1772 كان هناك حدث اخر ....... أجاب التلميذ : اصبح عمر نابليون 3 سنوات

مرة واحد عايز يحتفل بعيد الطفولة ..... راح عملها علي روحه

أستاذ كيمياء راح يشوف نتيجة ابنه لقاها ..... راسب أزرق

الراديو:والاعب بيشوط بمشط رجله يااااااااااه بتيجى في المقص صبي الحلاق:إلحق يا معلم بيلعبوا في العدة

_________________
name : Mohamed Ibrahem Bekhet
1st year production engineering department
sec #:5 #:162
Forum Adminstrator
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alexprod.coolbb.net
 
joke 4 u
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الركن الفنى :: 6rbtop-
انتقل الى: